الوطنيه الكرويه الخرويه .. وجيه وأبوه وأمه

الي اين ستذهب الالاف الاعلام التي كانت تجوب شوارع مصر ليله أمس ؟

سؤال وجيه أطرحه علي وجيه وابو وجيه وأم وجيه ...
بالطبع الاجابات مش مقنعه بل مخزيه لمواطنين بتحب مصر وبتحب منتخب مصر
الاول الاجابه كانت من ابو وجيه اللي لخبط وشهه بثلاث الوان هي علم مصر ॥ وقال انه هيحتفظ بيه لحد البطوله الجايه أو اي ماتش جاي مع الجزئر او اي منتخب عربي عدو !!
هاحتفظ بيه يا باشا علشان سعره الغالي ॥ الناس اللي بتبيعه استغلت حبي لمصر وباعته ليا غالي اووي ॥ ده انا قعدت احوش في ثمنه اسبوع !
ثم أعدت السؤال علي أم وجيه اللي اكتفت بحمل علم هيا الاخري وصفاره ॥ وقالت هو انا اقدر أوقع كلمه لابو وجيه هاحتفظ بيه انا كمان

ثم أعدت السؤال ايضا علي الشاب اللطيف وجيه اللي لم يكتفي برسم العلم علي وجهه بل خلع ملابسه العليا كلهاوالحمد لله انها كنت عليا أصل لو كانت سفلي كان الراجل اللي رسم له اكيد هيرسم له اللون الاحمر علي (........ ) وتبقي حمرااااااا زي( ليله امبارح )

شئ بقي سخيف جدا
الوطنيه وحب مصر معدش الا في الكوره بس .... يا حلاوه
الملايين من الشباب المصري اللي مش عاجبه مصر
ومش عاجبه حكومه مصر
ومش لاقي شغل
ومش لاقي تعليم كويس
ومش لاقي رعايه صحيه كويسه
وبيشتم مصر
ونفسه يهاجر من مصر
وبيحاول يهرب من مصر
ولما بيهرب مصر بنتضربه بالنار في البحر
وبيهرب من التجنيد علشان ميدافعش عن مصر (كفايه عليه وائل جمعه ) احسن دفاع في مصر

كان امبارح يحصرون الجوائز اللي اخدتها مصر ارقام قياسيه (أفضل لاعب وافضل حارس وثالث بطوله علي التوالي وسابع في عمر البطوله وافضل مدرب وافضل رئيس يجي في عهده بطولات ....... اقفل القوس ولا اسيبه !!

ومع ذلك نسينا اننا افضل بلد تزور انتخابات
وافضل بلد تصنع الفساد
وافضل بلد فيها امراض
ومش عارفين نحصل اي بلد محترمه متحضره

وكل ده كوم والاغاني الوطنيه كوم تاني ياعيني بتفيض في حب مصر .... ياسلام علي ام الوطنيه بتخلي الواحد يبكي ... كلهم مرتزقه واغاني بتنافقنا مش عارف ولا بنتافق مين ॥ ( استخدمت لفظ نفاق علشان مينفعش استخدم اللفظ اللي في بالي ) فقط للأدب

وشوف كم التريقه والنكات علي الجزائر وغيرها و بالمناسبه فيه نكته بتقول ( واحد جزائري موت حفيده علشان قاله يا جدوووو)

جدوووو : صاحب الضربه الجويه والعبور للمستقبل
فجأه امبارح لقت حد عامل جروب لترشيحه للرئاسه ( مش عارف ده تريقه ولا حقيقه)
بس انا في رأيي اننا نخلي حسن شحاته هو الريس وجدو رئيس الوزراء علشان بس لسه صغير
جاتكووو خيبه قويه
هو انتو عارفين تغيرو المحطه لما هتغيرو الريس
انا مش فقري ونظرتي تشاؤميه والله العظيم
انا برضو بحب مصر
وكنت امبارح سهران لحد الصبح في حب مصر
وصوتي مبحوح علشان مصر

بس ده غلط

ما تيجو نحب مصر بجد
اي نعم الكوره حاجه جميله ومهمه وبتوحد الشعوب ( مش عارف ازاي) بس بلاش تكون هيا كل اهتمامنا نصحي الصبح نتكلم في الكوره ننام بالليل واحنا واخدين الكوره في حضننا !!

ولا انا غلطاااان ؟

لو أطعمنا أنفسنا... ما خرجت السمكة

قصة جميله ذات معان رائعة وردت عن أحمد بن مسكين وهو أحد التابعين

كان في البلدة رجل اسمه أبو نصر الصياد وكان يعيش مع زوجته وابنه في فقر شديد... وفي احد الأيام لم يكن في بيته أي طعام من شدة الجوع أخذت زوجته وابنه يبكيان... فخرج أبو نصر الصياد يبحث لهما عن طعام.... وبينما هو يمشي في الطريق مهموما مغموماً مر على أحمد بن مسكين وهو شيخ من علماء المسلمين فقال أبو نصر الصياد لأحمد بن مسكين: أنني متعب جداً وجائع وليس في بيتي قوت لزوجتي وأبني.

فقال له الشيخ اتبعني إلى البحر... وارمي الشبكة ثم قل بسم الله.

ثم قال له الشيخ: صلي لله ركعتين.

فلما فعل ذلك خرجت الشبكة وفيها سمكة عظيمة قال له الشيخ: بعها واشتر بثمنها طعاماً لأهلك.

فذهب أبو نصر وباع السمكة الكبيرة في السوق واشترى بثمنها فطيرتين باللحم و الحلوى وقرر أبو النصر أن يذهب ليطعم الشيخ منها فذهب إلى الشيخ وأعطاه فطيرة (كان الشيخ يفعل الخير لوجه الله تعالى ، ولم يكن ينتظر لفعله ثمناً) فرفض الشيخ شاكرا“ ورد الفطيرة للصياد وقال له خذها فهي لك أنت وعيالك ”لو أطعمنا أنفسنا هكذا ما خرجت السمكة“ وفي الطريق إلى بيته قابل أبو نصر الصياد امرأة ومعها طفل. فنظرا إلى الفطيرتين في يده. وكان الطفل يبكي من الجوع، فقال أبو نصر الصياد في نفسه: هذه المرأة وابنها مثل زوجتي وابني يتضوران جوعاً فماذا افعل ؟ ونظر إلى عيني المرأة فلم يحتمل رؤية الدموع فيها، فقال لها... خذي الفطيرتين وأطعمي ابنك فابتهج وجه المرأة وابتسم ابنها فرحاً... وعاد أبو نصر الصياد مهموما مغموما فكيف سيطعم امرأته وابنه؟ وبينما هو يسير كثيف البال مغموما... سمع رجلاً ينادي من يدلني على "أبو نصر الصياد“؟ فدله الناس على أبي نصر الصياد فجاء الرجل إلى ”أبو نصر“ فقال له الرجل: يا أبا النصر إن أباك كان قد أقرضني مالاً منذ عشرين سنة ثم لم أستدل عليه وعلمت أنه مات... والآن وقد وجدتك... خذ يا بني هذه الثلاثين ألف درهم مال أبيك فهي ملك لك! يقول أبو نصر الصياد فصارت عندي بيوت وتجارة كثيرة... وأصبحت من أغنى الناس .... ثمّ صرت أتصدق بالألف درهم في المرة الواحدة لأشكر الله.... ومرت الأيام وأنا أكثر من الصدقات حتى أغرتني و أعجبتني نفسي ....!!! وفي ليلة من الليالي رأيت رؤيا في المنام: وضع الميزان... وسمعت المنادي ينادي ... يا أباالنصر... هلم للحساب... لوزن حسناتك... وسيئاتك... ثمّ أحضر الميزان ووضعت حسناتي ... ووضعت سيئاتي.... فرجحت السيئات !!! فقلت: أين الأموال التي تصدقت بها!؟ فوضعت الأموال، فإذا تحت كل ألف درهم شهوة نفس أو إعجاب بنفس كأنها لفافة من القطن لا تساوي شيئاً، ورجحت السيئات ... فبكيت وقلت: كيف النجاة؟ ثمّ سمعت المنادي يقول: هل بقي له من شيء؟ فسمعت الملك يقول: نعم بقيت له (الفطيرتان) ... فوضعت (الفطيرتان) في كفة الحسنات فهبطت كفة الحسنات حتى تساوت مع كفة السيئات... ثمّ سمعت المنادي ينادي: هل بقى له من شيء؟ فسمعت الملك يقول: بقى له شيء دموع المرأة حين أعطيت لها الفطيرتين فوضعت
فإذا بها كالحجر الثقيل فثقلت كفة الحسنات.... ففرحت فقال الملك: نعم ابتسامة الطفل الصغير حين أعطيت له الفطيرتان! وترجح و ترجح وترجح كفة الحسنات.... فسمعت المنادي ينادي: لقد نجا...... لقد نجا....... لقد نجا... فاستيقظت من النوم ....... و تذكرت قول الرجل الصالح لو أطعمنا أنفسنا... لما خرجت السمكة!!!

والسؤال الآن هو أين نحن من الصدقات

)مصطفى صادق الرافعي) وحي القلــم

بين الهلفوت وطلب الشهاده والكمامه وطرابيش الازهر والالف رساله

من فرط الرفاهيه اللي احنا عايشين فيها بنجيب حاجات مش محتاجينها زي الحكمه اللي بتقول
الاوكازيون فرصه للحصول علي الاشياء التي لا نحتاجها
وعلشان احنا دائما بنستخدم الاشياء الصح غلط او في غير موضعها
انا كده برضو زي ناس كتير محدش منهم عارف يستخدم الالف رساله في اللي هي عرض من فوادفون
واحد صحبي قاعد معايا في نفس الغرفه بعت لي رساله بيقولي واحشني ॥ شكله مكنش قادر يصارحني بالحقيقه المره
وواحد تاني قاعد في الصاله بعت لي رساله عاوز يشرب شاااي .. كل ده علشان قلت لهم مش عاوز صوت وانا بذاكر


..............


انا شهيد المذاكره لاني والحمد لله مش بذاكر طول ايام السنه الا الاسبوع اللي قبل الامتحانات مباشره علشان بزهق من المذاكره وشكل الكتب وخصوصا
الكتب الازهريه ربنا يعافيكم
بس انا للاسف بنتحر في الاسبوع ده وحالتي بتبقي مش طبيعيه
واحد صحبي هو نفسه اللي قاعد قلب موبايلي شات
بيقولي اصحي ياعم ذاكر بصيت له وانا عاوز اقوم اضربه
قات له وانا يعني بعمل ايه
قالي ماسك الكتاب مقلوب ونااااايم خخخخخخخخ

...................
الحمد لله احنا دايما عندنا حاجه كده مش عند اي شعوب تانيه
عندنا حل لكل حاجه ولو مش عندنا بنتطبع بالشئ حتي لو كان مش عاجبنا وبنستمتع بيه كمان
الماتشات هتفرج عليها غصب عن الجزيره لاننا عندنا اختراع اسمه الوصله المركزيه والراجل اللي بيوصل لنا الوصله
عنده اختراع اسمه فك الشفره فهو برضو مش بيدفع فلوس احيانا
واللي مش عنده وصله يتفرج علي الماتشات هنا او هنا
وهنا بقي

لمشاهده اهداف البطوله يوميا

كذلك المنقبات دخلو الامتحانات علشان اخترعنا لبس الكمامه تحت النقاب

شعب مصر .. ابو الاختراعاات

..........................

انا طبعا ازهري ولا افتخر وبرئ من اللي بيحصل في الازهر
في ظل اسوء عصر من عصور الازهر
عصر سيد باشا حركات
لما افتي العالم كله بحرمانيه الجدار الفولازي قال هو انه حلال حلال حلال .. علشان امننا القومي
ماشي ياعم

انما الازهر يفتي بجواز مشاهده مبارايات امم افريقيا بالوصله
ياتري هو بينتقم من الجزيره ولا ده كان في عهد السابقين الاولين
.......................


الهلفوت والمتسول عادل امام ينظم وقفه احتجاجيه بالراقصات والمومسات وفتيات الليل ضد حماس واشرافه في حماس
ونسي ان اصغر طفل في حماس اشرف وانظف وعنده خلق ودين منه ومن اللي خلفوه
هو ليس عادلا وليس امام الا للمتخلفين والراقصات ومنافين الحكومه امثاله

............
و انا راجع في يوم بالليل وراكب باص 710وكنت فرحان جدا لاني عمري ما ركبته وهو اقرب باص للسكن

واحد راكب جنبي في الاتوبيس معاه موبايل صيني ابو ساوندات صب شغل إغنيه لفيروز والناس اتسلطنت ((ياه ياه ياه يا سهر الليالي ))

بعدها شغل اغنيه شارب حجرين ع الشيشه الناس شدت له خخخخخ ॥ ويالي يالي يالي أه أه أه تن تن تن

الوغد ده عنده حوالي 45سنه
اكثر المراهقون في الاتوبيس كانو محتومرمين عنه وعدنهم زوق في السمااااع

رابط استماااااع
هناااااااااااااا

مش هندفع الفواتير طول ما في تصدير

نشرت الصحف الإسرائيلية عن وزير الطاقة الإسرائيلى قوله بأن أسعار الكهرباء خفضت فى أعقاب ضخ الغاز المصرى الرخيص فى الوقت الذى ترفع الحكومة المصرية أسعار الكهرباء سنويا بمعدلات خرافية।

ده غير ان حكومتنا المحترمه تدرس استيراد الغاز الطبيعي من العراق لسد احتياجات السوق المحليه واللي الانابيب فيها شبه معدومه والناس بتموت بعضها علشان انبوبه غاز

عزيزي المواطن يا تري موافق علي تصدير الغاز لاسرائبل ؟ بالطبع لا طيب يا تري موافق علي الجبايه اللي بتمارسها عليك شركه الغاز واجبارها لك علي دفع ४ جنيه اتاوه تحت مسمي ايجار عداد اللي انت دافع فلوسه فور تركبيه وصيانه اللي عمرها ما دخلت شقتك
حتي وان كنت قافل شقتك واللي زادت ३०% الشهر ده
اكيد برضو انت غير موافق طيب ايه الحل ؟
الحل ببساطه هو اننا نقاطع شركات الغاز طول ما في جبايه وتصدير وما ندفعش الفواتير ايوه مش هندفع ومش هيقدرو يقطعو عننا الغاز
طب ازاي ؟
الشركه ببساطه ماتقدرش تقطع الغاز لاسباب فنيه وهي ان ماسوره الغاز ملهاش محبس وبكده نقدر مل ندفعش الفواتير التي يقومو بجمعها ورميها في الارشيف

• والمفاجأه

ان مئات العملاء بالفعل مش بيدفعو فاتوره الغاز ومع ذلك الشركه مش بتقدر تفصل عنهم الغاز رغم مرور سنوات بدون ان يدفعو لشركه الاساغلال والجبايه وذلك لأستحاله فصل الغاز
كما ان تلك الشركات عباره عن غزبه لمحاسيب الحكومه والحزب الوطني واعضاء مجلس ادارتها ويتقاضي العاملين فيها الآف الجنيهات في الوقت الذي لايجد ابناؤنا فرصه عمل واحده لهم
فلنساهم جميعا في وقف ذلك الورم السرطاني

• ولمعلوماتك :
  تضاعفت قيمه العجز في المازوت ३ مرات في العام الذي بدأ فيه التصدير لاسرائب من الغاز بسبب التوسع في استخدامه في محطات توليد الكهرباء بدلا من الغاز الطبيعي ليقفز حجم العجز فيه १.२ مليون طن في عام २००३/२००४
• الي ४ ملايين طن في عام २००४/२००५
• الحكومه تقوم بالتصدير علي १.५ مقابل السعر العالمي ९ دولارات
  
• مده الاتفاقيه २० سنه علما بأن الاتفاقيات العالميه لاتزيد عن سنه
  
• الاقتصاد المصري يخسر في اليوم الواحد ४५ مليون وفي الشهر १३५० وفي السنه १६ مليار و200 مليون جنيه
  
• الاتفاقيه لم تناقش في مجلس الشعب بحجه انها سريه
  
  

اسئله واجوبه حول الامتناع عن الدفع
س/ هل يمكنني عدم دفع الفواتير ؟
ج/ نعم يمكنك
س/ هل تستيطع الشركه فصل الغاز عن العميل ؟
ج/ يستحيل من الناحيه الفنيه وبالتالي الشركه لا تستطيع فصله عن المشتركين ونحن نقاطع الشركه لنشر ثقافه العصيان المدني بالامتناع عن دفع الفواتير لعدم احترام المواطنين وتصديرها الغاز لاسرائبل
س/ ما تفعل عند قيام المحصل بالمرور عليك
ج / المحصل لايمتلك اي صلاحيات وبالتالي فهو غير ذي صفه لاجبار العميل علي الدفع سواء ياستخدام اسلوب الترغيب والتهديد وكل ما عليك هو الامتناع عن التعامل معه

لا للجبايه لا لتصدير الغاز لاسرائيل لا لدفع الفواتير

الصمت ابلغ من الكلام

أحيانا تحدث مواقف تثير غضبك وتريد أن تفجر هذا الغضب في شئ ما لكنك لو تكلمت من الممكن أن تخطئ في أحد ولأني مش عايز أغلط في احد اليومين دول علشان ورايا امتحانات وربنا يوفقني وانتم كمان

يكون الصمت أبلغ .. هي محض مواقف تحدث من نظامنا القابع علي نفوسنا من سنين ومش عاوز يغور ولأن الفساد له دور مهم جدا في حياتنا .. كبر في السن آه لكنه مازال قادر علي العطاء

فساد من فولاذ مثل الجدار الذي يبنيه صانعي هذا الفساد

في ذكري حرب غزه الأولي .. أفضل هديه قُدمت لهم هذا الجدار الفولاذي .. حصارهم برا وبحرا وحتى تحت الأرض

في السنة اللي بنينا فيها الجدار .. جه ناس من كل العالم ليعلنوا تضامنهم مع غزه

نخوه الأجانب .. أم العرب .. أم المسلمين .. أم المصريين

مجموعات من الطلبة والشباب الذين جاءو من كل العالم وتركوا جامعتهم وحتى احتافالتهم بأعياد رأس السنة ليقضوا تلك الأيام في مسيره نحو غزه في البرد والوقوف أمام السفارات اعتصامات واضربات عن الطعام

فقط لأنهم تعلمو معني الحرية والنخوة والانسانيه جاءو ووجهتهم غزه ليقفو مع اهلها في محنتهم ويرسمو البسمة علي وجوه أطفالها

أظن أن نظرتي تغيرت عن هؤلاء الشباب .. لأننا نسمع عنهم غير الذي نراه منهم الآن

في نفس ذات الوقت تري الشباب المصري للأسف مغيب عن كل شئ عن اللاشئ نفسه

لا يعرف عن الحرية ولا الانسانيه .. يعرف كثير عن الحرية لكن من منظور أخر ( هو حر في لبسه وفي تحرشه بالبنات وفي صياعته )

يعرف جيدا مدام رشا وتهامي باشا

مدام رشا ذات النظرة الانثويه الحادة التي بسببها قال لي احدهم انه هيعيد الثانوية العامة علشان يحسن مجموعه

أظن لو أننا جبنا مدام رشا تتقدم الصفوف نحو غزه لجاء ورآها شباب مصر كله .. لا يعرف أين هو ذاهب

.. مش علشان غزه لا علشان مدام رشا

مشهد آخر من المشاهد العجيبة في هذا الزمن ذلك الرجل الحاخام اليهودي ((ليس صهيوني )) جاء من بلاده ليعلن تضامنه

جاء ليقول أن الصهيونية شوهت صوره اليهودية وانه ليس له جواز سفر إسرائيلي

هذا الرجل متدين بشكل مبالغ فيه .. فهو يرفض أن يتصور مع أي بنت حتى لو كانت رضيعه

هو أكثر تدينا من كثير من مشايخ الفضائيات الذين هم من شوهو صوره الإسلام بحديثهم عن قضايا جعلت العالم يستهزئ بهم ، لم يكن في نياتهم أبدا أن يفتحو حديثا عن الجهاد ولا أخوه الدين ولا التراحم ولا الظلم

وإنما إن تحدثو فيقولو لك .. الخروج علي الحاكم ليس من الإسلام

يتكلموا ولا يملو من الكلام في النقاب هل هو سنه أم فرض ؟

اللحية سنه أم فرض ؟

تقصير الثياب .. تاركه كافر أم آثم ؟

هي محض مشاهد متناقضة تثير الاستياء والغضب .. ولذلك كنت أرجح السكوت واراه أفضل

ما يجب فعله الان ॥ أن تغطوني وتصوتو

لهذه الأسباب أؤيد ترشيح البرادعي رئيس لمصر

مجرد فضفضه ولعلي أكون واهم أو بحلم ووجهه نظري تكون خاطئه بس سيبوني اقول رأيي

لهذه الأسباب أؤيد ترشيح البرادعي رئيس لمصر

أولا لأن مصر مش ولاّده زي ما الناس بتقول ولأن مصر ضاقت رغم اتساعها وندر رجالها رغم عددهم الكبيير ॥ نحن نبحث عن رجل يخلصنا من نظام فاسد متّمل في رجل اخر وولده الوريث
البرادعي ليس خصما سياسيا لاي شخص أو حزب في مصر يعني أظن مخبرين المعارضه هيمتنعوا عن مهاجمته اللهم الا القليل منهم وبعض الاحزاب تدعوه للانضمام اليها
مصر لا تريد رئيسا يفهم في السياسه الداخليه كما يتهمه منافقين الصحف القوميه بأنه لم يعيش في مصر منذ 28 سنه وغيره كما انهم يتهموه بأنه كيف يمكن لرجل انحصرت خبرته في مجال الطاقه الذريه ان يرأس مصر ॥ وانا أكرر نفس السؤال الذي طرحه الدكتور ايمن نور (وكيف أدارها من انحصرت خبرته في مجال الطائرات فقط )
مصر تريد رجلا يخرج بها من النفق المظلم بسلام يترشح لفتره واحده 6سنوات فقط لأصلاح بعض ما افسده النظام الحالي لأن ما اُفسد لن يصلح في ६ سنوات او حتي १६ سنه هذه الست سنوات يتغير فيها الدستور ويلغي فيها قانون الطوارئ ويكون هناك اشراف قضائي كامل علي الانتخابات ويسمح للاحزاب الجاده التنافس علي الرئاسه والبرلمان ॥ والمراهنه علي صندوق الانتخابات ( اللي يقدر يوصل للشعب ويخليه يحط له صوته يبقي هو كده اللي كسبان ) ويبقي الفضل للبرادعي

الرجل وضع النظام في مأزق كبير جدا وكشف واثبت بالدليل امام العالم كله ان هناك تذوير للانتخابات اي انه نظام غير شرعي لهذا هاجمه طبالين وزماريين الصحف القوميه